Os encoros galegos están ao 60% da súa capacidade tras perder 44 hectómetros cúbicos de auga
Segundo a información feita pública este martes polo Ministerio para a Transición Ecolóxica, Galicia ten embalsados 2.184 hectómetros cúbicos de auga, o 58,8% da súa capacidade total, de 3.714.
Por E.P. | SANTIAGO DE COMPOSTELA | 29/10/2019 | Actualizada ás 18:08
Os encoros galegos atópanse esta semana ao 58,8% da súa capacidade total, levemente por baixo dos rexistros de fai sete días, tras perder 44 hectómetros cúbicos de auga.
Segundo a información feita pública este martes polo Ministerio para a Transición Ecolóxica, Galicia ten embalsados 2.184 hectómetros cúbicos de auga, o 58,8% da súa capacidade total, de 3.714.
En concreto, os encoros da conca Miño-Sil teñen 1.742 hectómetros cúbicos de auga embalsada, 39 menos que fai sete días, o que supón o 57,5% da súa capacidade; mentres que os de Galicia Costa están ao 64,6%, con 442 hectómetros de auga, cinco menos que a semana anterior. En todo caso, ambas as concas sitúanse por encima dos valores das mesmas datas do ano pasado e da media dos últimos 10 anos.
