20 proxectos participarán na cuarta edición da aceleradora da automoción

O Comité executivo da Business Factory Auto (BfAuto) seleccionou 20 proxectos empresariais para participar na cuarta edición da aceleradora, que comezará o 9 de decembro. Os traballos empregan os diferentes avances dixitais e van desde un sistema de prevención de accidentes, ata a creación de manuais interactivos de realidade virtual.

Esta edición é a maior en número de participantes, con 104 proxectos presentados de 20 países diferentes. Entre os seleccionados hai tres internacionais, un de Alemaña, outro de Israel e outro de Holanda.

A BFAuto --na que cooperan a Xunta, o Consorcio da Zona Franca de Vigo, Groupe PSA e Ceaga-- "permitiu crear un total de 35 empresas e máis de 250 empregos", segundo informou o Goberno galego nun comunicado. Indica, ademais, que os traballos seleccionados responden os "retos tecnolóxicos" propostos polo sector galego da automoción.

A BFAuto enmárcase dentro da plataforma StarIN Galicia, na que se agrupan todas as aceleradoras apoiadas pola Xunta e que permitiu "impulsar máis de 1.000 proxectos emprendedores en toda a Comunidade" no últimos cinco anos.

Encuentro del PSA en el Centro Tecnológico de Automoción de Galicia