Unha campaña da Xunta sensibiliza sobre a importancia de cumprir coas normas de seguridade industrial
'Máis seguridade industrial' ponse en marcha pola Xunta de Galicia. O seu obxectivo é concienciar aos cidadáns e reverter a situación de descoñecemento entre moitos axentes do sector.
Por E.P. | A CORUÑA | 18/11/2019 | Actualizada ás 14:41
A campaña 'Máis seguridade industrial' posta en marcha pola Xunta de Galicia ten como obxectivo concienciar aos cidadáns e ao mundo laboral sobre a importancia de cumprir coa normativa de seguridade industrial. A sede da Confederación de Empresarios (CEC) na Coruña acolleu este luns a presentación da iniciativa nun acto ao que acudiron varios profesionais do sector.
A campaña, segundo explicaron os responsables da mesma, busca "manter as instalacións en condicións óptimas" e reverter a situación de "descoñecemento" entre moitos dos axentes do sector. E é que, conforme sinalaron na presentación, "existe unha falsa sensación de seguridade" pois hai certos establecementos que descoñecen se as súas instalacións están afectadas pola normativa de seguridade industrial.
Por iso, dita iniciativa céntrase en dotar tanto á cidadanía en xeral como ao mundo laboral en particular dos coñecementos necesarios a este respecto.
