Sen acordo sobre as cifras da folga na Atención Primaria: o Sergas fala do 12% e os profesionais de máis do 50%

A Asemblea de Áreas Sanitarias de Galicia valora a participación rexistrada e destaca a "atención normal" nos centros de saúde.

Por E.P. | SANTIAGO DE COMPOSTELA | 27/11/2019 | Actualizada ás 18:24

Comparte esta noticia

A Asemblea de Áreas Sanitarias de Galicia valora a participación rexistrada na folga de médicos e pediatras de Atención Primaria deste mércores e destaca a "atención normal" nos centros de saúde.

En declaracións a Europa Press, un dos portavoces, Alberto García Pazos, da área de Vigo, concretou que a participación nesta xornada foi "maior en todas as áreas" que na folga do 19 de xuño, salvo na viguesa, que caeu "do 90 ao 83%", matizou.

No caso concreto de Vigo lembrou que esta é a terceira convocatoria de folga deste ano "e nótase o desgaste dos médicos", afirmou este portavoz. "Así e todo é a máis alta", subliñou sobre o seguimento na área viguesa.

Ademais, resaltou o apoio do 65% en Ferrol e Pontevedra, así como do 60% en Ourense. "Onde se notou menos foi na Coruña (47%) e Lugo (33%)", abundou, para apuntar que "quizais pola dispersión grande e a dificultade de comunicación dos profesionais".

DATOS DE SANIDADE

Fronte a iso, a Consellería de Sanidade situou o seguimento na xornada de mañá no 12,7 por cento en Galicia e nun 12,1% na quenda de tarde. Respecto diso, incidiu en que os datos son inferiores aos rexistrados no paro do 19 de xuño.

Concentración de médicos de Atención Primaria nun centro de saúde de Santiago.
Concentración de médicos de Atención Primaria nun centro de saúde de Santiago. | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta