Por Europa Press / Redacción | CORUÑA, A | 23/12/2019 | Actualizada ás 17:35
O Concello de Cambre anunciou que pedirá explicacións a Naturgy "pola falta de atención mostrada pola empresa á hora de atender as múltiples incidencias na subministración eléctrica que xurdiron este fin de semana como consecuencia da chegada da borrasca Fabien".
O alcalde, Óscar García Patiño, asegura "non se atendían as chamadas dos veciños e veciñas de Cambre nin, nalgún momento, tampouco as do Concello".
Engade que esixirán que "en momentos de alerta, a empresa poña o suficiente persoal para dar as explicacións oportunas aos veciños e veciñas en canto a en que situación se atopan as incidencias".
"O que non pode ser é que en 24 horas non estean a dar solucións nin atendan as chamadas", argumenta o alcalde, que cifra en máis de 60 as incidencias atendidas polo Concello polos efectos da borrasca.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.