Por X.M. Fernández | Verín | 15/01/2020 | Actualizada ás 08:52
Verín foi o Concello gañador gañador do concurso "O meu entroido é o mellor!", certame que pretendía poñer en valor e difundir a riqueza cultural das diferentes manifestacións entroideiras de Galicia. Acadou 13.993 votos e obtén así un premio en metálico de 30.000 euros que axudarán á organización do entroido deste ano.
En representación de Gadisa entregaban o premio Melisa Pagliaro, Directora de Marketing e Antonio Cortés, Director de RSC, mentres que pola parte do Concello de Verín recibían o primeiro premio o alcalde, Gerardo Seoane; Diego Lourenzo, tenente de alcalde, e Emilia Somoza, concelleira Educación, Cultura e Festexos.
Por detrás de Verín quedaron o Concello de Foz, con 11.587 votos, e o Concello de Xinzo con 468. Levarán 5.000 euros de premio cada un deles.
Desde o Concello de Verín quixeron agradecer a Gadis a importante labor realizada con esta nova acción promocional en termos de visibilización e promoción dos Entroidos Galegos, así como a implicación de todas as persoas que lles votaron.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.