Caen os traballos fixos: nove de cada dez contratos en Galicia é de carácter temporal

Os novos contratos indefinidos só se elevan un 0,1% en Galicia fronte ao 3,3% en España, segundo un informe de Adecco.

Por Europa Press / Redacción | SANTIAGO DE COMPOSTELA | 15/01/2020 | Actualizada ás 10:19

Comparte esta noticia

Galicia é a terceira autonomía na que máis crece a contratación no último ano, cunha alza do 3,6% (8.400 novos empregos), segundo o Monitor Adecco de Ocupación dado a coñecer este mércores.

E é que nos últimos 12 meses nove de cada dez novos contratos galegos foron de carácter temporal. Só Navarra (+9%) e Murcia (+5,3%) contan con maiores incrementos na temporalidade.

En cambio, a contratación indefinida só se incrementou en Galicia un 0,1% (900 persoas fixas). Isto contrasta co que sucede en toda España, onde todo o emprego creado foi indefinido (+3,3%) mentres caía o temporal (-0,7%).

Nos últimos doce meses reflectidos na EPA, o número de ocupados en Galicia aumentou en 9.200 persoas (+0,8%). Un avance que se explica polo traballo asalariado, pois se rebaixa o traballo autónomo.

Entre os asalariados galegos, o sector privado aumentou a contratación en 12.800 persoas (+1,9% interanual), en tanto que no sector público o número de asalariados diminuíu en 3.600 persoas (-1,9%).

POR SECTORES

En Galicia, sete das once ramas de actividade que existen incrementaron a súa ocupación ao longo dos últimos doce meses (un ano atrás creábase emprego só en seis delas), mentres nas restantes catro produciuse un descenso do emprego.

Os maiores incrementos producíronse nas manufacturas (+11,7%; equivalente a 17.800 profesionais), construción (+9,2%; 6.200 novos postos de traballo) e servizos culturais e outros (+8,5%; 6.500 novas contratacións).

Entre as catro ramas de actividade cuxo nivel de emprego descendeu, o peor resultado é o das actividades inmobiliarias, cunha caída interanual dun 22,9%, que equivale á perda de 1.100 postos de traballo. Un ano atrás era a rama de actividade que máis crecía interanualmente (+37,1%, con 1.300 empregos).

Camareiro traballando
Camareiro traballando

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta