Por Europa Press / Redacción | SANTIAGO DE COMPOSTELA | 16/01/2020 | Actualizada ás 17:14
Plataformas e colectivos veciñais de 16 concellos reuníronse a pasada semana en Santiago de Compostela para constituír a Rede Galega por un Rural Vivo, coa que buscan unir forzas e traballar por un marco legal "xusto" para que o rural galego "non desfaleza".
Entre os obxectivos comúns das entidades que conforman a Rede atópase a cuestión dos proxectos eólicos "abusivos" cos que se usa o rural galego como "parque industrial" con "graves consecuencias" para o patrimonio natural e a actividade económica das comarcas.
Un modelo produtivo, denuncian, que "empobrece" estas localidades e xera enerxía que se transporta "centos de quilómetros para o seu consumo", convertendo Galicia nun "territorio de sacrificio".
Os colectivos "non están en contra da enerxía renovable", matizan, senón dun sistema produtivo que "concentra" esta actividade nunha comunidade específica e xeran perdas de superficie agraria e forestal, entre outras.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.