Miranda pregunta que fondos europeos están dispoñibles para paliar as consecuencias do Brexit na pesca
Por E.P. | SANTIAGO DE COMPOSTELA | 31/01/2020 | Actualizada ás 16:53
A portavoz do BNG en Europa, Ana Miranda, presentou unha iniciativa á Comisión Europea para que explique que fondos dispoñibles existen para paliar as consecuencias do Brexit na pesca galega.
Así o afirmou a través dun comunicado, no que lembrou que Galicia ten "un sector pesqueiro moi potente" que "non pode quedar desamparado tras a saída do Reino Unido da Unión Europea".
En resposta a unha pregunta presentada polo BNG, a Comisión Europea explicaba que os estados membro "poderán conceder unha compensación ata finais de 2020 con cargo ao Fondo Europeo Marítimo e de Pesca (FEMP) pola paralización temporal das actividades pesqueiras", polo que Miranda considera "fundamental" que o sector saiba "que fondos da FEMP aínda hai dispoñibles".
Na súa pregunta, Ana Miranda pregunta tamén que cantidades aínda non foron executadas polo Estado e pola Xunta. "Queremos saber se os fondos europeos están adecuadamente utilizados polas administracións ou se existe deixamento de funcións nos respectivos gobernos", explicou.
