Martiño Noriega podería deixar a dirección de Compostela Aberta

O ex alcalde de Santiago é un dos líderes das negociacións de Anova para buscar unha alianza electoral para as galegas.

Por Europa Press / Redacción | SANTIAGO DE COMPOSTELA | 05/02/2020 | Actualizada ás 14:27

Comparte esta noticia

Compostela Aberta constituíu a súa nova coordinadora e anunciouno este mércores como unha cuestión que supón "un paso máis e non menor" á hora de conseguir "unha substitución" para a portavocía do partido, que agora ostenta o exalcalde de Santiago, Martiño Noriega.

Tras as eleccións municipais, Noriega sopesara deixar o cargo que ocupaba no seu partido unha vez se producira unha reorganización interna. Con todo, este mércores Noriega explicou que "non depende só del", senón "dos compañeiros e compañeiras, así como das dispoñibilidades e os tempos" de cada un.

Por este motivo, o exalcalde quere "evitar entrar en debates" e tomar as decisións que considere en función dos "tempos". En todo caso, asegurou que "Compostela Aberta é unha realidade da cidade e quere estar á altura das circunstancias asumindo un rol diferente" ao que tiñan antes das últimas eleccións municipais, "pero non é un rol menor", engadiu.

Para levalo a cabo, a nova dirección defínese como "plural", que "vai máis aló do institucional" e recolle a personalidades con experiencia política, así como a outras relevantes no ámbito "cultural ou rural".

A xuízo de Noriega, "hai motivos para o optimismo, para facer bo traballo na rúa" e utilizar a súa "importante representatividade" para "estar á altura dos veciños e veciñas".

Martiño Noriega, líder de Compostela Aberta
Martiño Noriega, líder de Compostela Aberta | Fonte: CA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

2 Calvo sen pucha

Ah deixa a dirección dun partido que xa non ten máis que dirección que ben. Entre as bases-dirección do partido municipalista que non se ocupou do municipio sentou bastante mal a non dimisión na noite electoral do que baixou de 10 a 5, agora dimite pero segue de concelleiro xa non barón pero si xentilhome. Seguro que hai moitos partidos pelexando pola súa fichaxe. Fala de traballo na rúa un que nunca quixo falar con ninguén

1 Bernal Calvo Delaciga

5 concelleiros: o chan de CA é o teito do BNG na corporación santiaguesa. Cantas veces conseguíu o BNG a alcaldía compostelana? Cero. Dimitíu alguén aí? Non, nin o calvo sen pucha Cela, nin o calvo de voz afrautada Rego. Pois iso.

1 José Antonio

Vendehumos. Aún me acuerdo citado dijo que dejaba su puesto en el ayuntamiento a decisión de una asamblea. Si tan mal crees que lo hiciste lo dejas y punto. Sigue queriendo conseguir con fontanería y siempre por detrás, lo que no conseguiría con el apoyo de la militancia. Y hablo por parte de Podemos, no de los cuatro amigos de Anova.