O 15 de marzo comeza a tempada de pesca fluvial, ata o 31 de xullo

A cota de captura está establecida nun exemplar por persoa e xornada, cunha dimensión mínima de 40 centímetros.

Por E.P. | SANTIAGO DE COMPOSTELA | 10/02/2020 | Actualizada ás 18:13

Comparte esta noticia

O próximo 15 de marzo dará comezo a tempada de pesca fluvial nos ríos galegos, que permanecerá aberta ata o 31 de xullo, segundo informou a Consellería de Medio Ambiente.

O Diario Oficial de Galicia (DOG) publica este luns a orde pola que pola que se definen as normas xerais de pesca das distintas especies ictícolas nas augas continentais de Galicia. Así, o período hábil para a pesca de salmón irá desde o 1 de maio ao 31 de xullo, aínda que poderá adiantarse o termo da tempada en función do volume das cotas de captura. Nos tramos compartidos do río Eo a tempada terminará o 15 de xullo e nos cotos do Ulla, o 30 de xuño.

Pescado Fresco
Pescado Fresco

A cota de captura está establecida nun exemplar por persoa e xornada, cunha dimensión mínima de 40 centímetros. No caso dos cotos compartidos con Asturias, a dimensión mínima será de 45 centímetros.

En canto á pesca do reo, a tempada hábil en xeral empeza o 1 de maio e termina o 31 de xullo, mentres que na troita manterase aberta do 15 de marzo ao 31 de xullo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta