Non se descarta "ningunha hipótese" na desaparición dunha moza en Ourense

O delegado do Goberno en Galicia, Javier Losada, manifestou que se analizan varias vías de investigación e non se descarta "ningunha hipótese" en relación coa desaparición dunha moza en Ourense. A preguntas dos xornalistas, confirmou que a nai comunicou que non vía á súa filla "desde o 5 de xaneiro". No entanto, precisou que á Policía Nacional cónstalle unha denuncia o 5 de febreiro.

"A partir do 5 de febreiro, estanse a facer indagacións e investigacións", explicou o delegado do Goberno, que apuntou que hai persoas "que dixeron que entre ese 5 de xaneiro e o 5 de febreiro, viuse a esta persoa".

Por iso, manifestou que se traballa en "todas as hipóteses" como que "estea viva ou que quixese desaparecer", citou como posibilidades. Ademais, ratificou que a procura se realiza cos "dispositivos habituais" nestes casos.

A Policía Nacional detén por varios roubos a un veciño de Lugo, que volveu delinquir pouco despois de quedar en liberdade.. POLICÍA NACIONAL