Por E.P. | SANTIAGO DE COMPOSTELA | 21/02/2020 | Actualizada ás 15:27
O Xulgado de Instrución número 1 de Carballo decretou o ingreso en prisión provisional, comunicada e sen fianza para o mozo detido este mércores tras darse á fuga o martes despois de atropelar cun coche roubado a un empregado dunha gasolineira no municipio da Laracha (A Coruña), ao negarse a pagar o combustible enchido
Segundo fontes xudiciais tras pasar o detido a disposición xudicial, o individuo está investigado como presunto autor dun delito de intento de homicidio.
O pasado martes día 18 un traballador dunha gasolineira Avia da Laracha, situada na estrada que une este municipio e Carballo, resultou ferido ao ser atropelado por un vehículo que se deu á fuga sen pagar tras encher.
Os feitos producíronse sobre as 19,00 horas deste martes cando o condutor dun vehículo, un Volkswagen Golf, tras encher negouse a pagar, arrincou e, ao ser perseguido polo empregado da gasolineira, deu a volta e arroiouno, confirmaron fontes da investigación.
Debido ao impacto, o empregado foi evacuado nunha ambulancia ao Complexo Hospitalario Universitario A Coruña (CHUAC) para recibir atención médica, pero non se teme pola súa vida, indicaron as mesmas fontes.
Posteriormente, este mércores pola mañá foi detido nun hostal de Arteixo o presunto autor dos feitos, un mozo natural de Carballo, pero veciño de Arteixo na actualidade, cando estaba en compañía dun menor que levaba as chaves do vehículo subtraído.
O mozo, coñecido das forzas de seguridade por delitos contra o patrimonio e en materia de seguridade viaria, carece de carné de conducir.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.