O embaixador de Cuba visita o Parlamento de Galicia
Gustavo Machín Gómez foi recibido polo presidente da Cámara, Miguel Santalices, quen lembra os "intensos vínculos" de Galicia con Cuba.
Por E.P. | SANTIAGO DE COMPOSTELA | 27/02/2020 | Actualizada ás 19:17
O embaixador de Cuba en España, Gustavo Machín Gómez, visitou na tarde deste xoves o Parlamento de Galicia, onde foi recibido polo presidente da Cámara, Miguel Santalices.
Durante o encontro, Santalices lembrou os "intensos vínculos" de Galicia con Cuba, que conta aínda hoxe cunha notable cunha presenza galega, á vez que se interesou pola situación da colonia galega asentada na illa.
O embaixador acudiu acompañado pola cónsul xeral de Cuba en Galicia, Asturias e Cantabria, Yahima Martínez Millán, e pola conselleira económica e comercial da embaixada, Janet Fernández Padilla.
Tamén asistiu o director xeral de Relacións Exteriores e coa Unión Europea da Xunta, Jesús Gamallo.
