Denuncian que un cura de Ourense aproveita as misas para pedir o voto para o PP
O PSdeG queixarase ante o Bispado da actitude do párroco de Padrenda, que lanza "improperios e descualificacións" contra os partidos doutra ideoloxía.
Por Europa Press / Redacción | SANTIAGO DE COMPOSTELA | 29/02/2020 | Actualizada ás 19:48
O PSdeG denunciará ante o Bispado de Ourense o "audoutrinamento político" que, segundo asegura, exerce o cura de Padrenda durante as liturxias do termo municipal, nas que supostamente "chegou a pedir o voto" para o Partido Popular.
Nun comunicado, os socialistas consideran "inadmisible" esta situación e esta actitude en actos relixiosos, polo que avanzaron a presentación dun escrito ante o Bispado para denunciar o caso.
Segundo sinalan, os veciños de Padrenda non votantes do PP expresaron a súa indignación pola "situación surrealista que se vive en pleno século XXI" no municipio, sobre todo polos "improperios e descualificacións" dirixidos por parte deste párroco contra partidos doutra ideoloxía.
