Trasladadas cinco persoas tras saírse da vía en Outes
O sinistro produciuse na parroquia do Freixo de Sabardes sobre as 2,20 horas deste mércores.
Por E.P. | SANTIAGO DE COMPOSTELA | 11/03/2020 | Actualizada ás 10:03
Cinco persoas resultaron feridas nun accidente de tráfico rexistrado ao saírse da vía o coche no que viaxaban este mércores no termo municipal de Outes.
Segundo informou o112 Galicia, o sinistro produciuse na estrada que une Outes e Muros, na parroquia do Freixo de Sabardes sobre as 2,20 horas deste mércores.
Tras iso, o CIAE 112 solicitou a intervención de Urxencias Sanitarias de Galicia-061, da Garda Civil de Tráfico e do GES de Muros. Ademais, informouse o accidente aos Bombeiros de Boiro.
Ao lugar, confirmaron a Europa Press fontes sanitarias, o 061 enviou dúas ambulancias de soporte vital avanzado que trasladaron ao Hospital Clínico de Santiago aos homes S.B.L., de 35 anos; M.L.P., de 36; A.R.C.; de 36; e P.R.M., de 30; así como á muller I.H.P., de 26 anos.
