Os afectados polas preferentes seguen coas mobilizacións

Por Galicia Confidencial | Carballo | 27/10/2012 | Actualizada ás 19:23

Centos de membros de todas as plataformas de afectados polas preferentes e participacións subordinadas concentráronse este sábado en Carballo para esixir a Novagalicia Banco, o Banco de España e o Goberno unha solución "inmediata e global" para todos os afectados.

Os manifestantes —máis de 1.500 segundo a organización e 750 segundo a Policía—despregaron unha pancarta na que se podía ler "Queremos os nosos aforros de toda unha vida". Na Praza do Concello, o actor César Cambeiro leu un manifesto.

Durante o percorrido gritáronse consignas como "non pararemos ata que cobremos" ou "co diñeiro dos currantes viven os mangantes".

3 José P. Martínez

Pois o 21-O moitos deles votaron ao PP, o partido que defendeu ás caixas e que defende a súa herdanza. Mexan por nós e...

1 P. Garcia

Verdade, nos concellos con máis afectados polas preferentes gañou o PP. Galicia é Jalisia.

2 Gundar

O que está claro é que dentro de nada haberá que empezar a dicirlle á empresa na que un aínda tén a sorte de conservalo traballo que che paguen na man. Os empregados e directores das sucursais bancarias cobran por enganar ó cliente en lugar de asesoralo.