Nacen os premios 'Valedora do Pobo' para recoñecer os mellores proxectos de fin de carreira sobre igualdade
O concurso está aberto a traballos orixinais "lidos, defendidos e ou xulgados" ante tribunal de calquera universidade galega durante os cursos académicos 2016-2020.
Por E.P. | SANTIAGO DE COMPOSTELA | 26/03/2020 | Actualizada ás 16:34
As tres universidades galegas en colaboración coa Xunta lanzaron a primeira edición dos premios 'Valedora do Pobo', que recoñecerán os mellores proxectos de fin de grao e máster sobre igualdade e os dereitos da muller.
Segundo informa a USC nun comunicado, o certame está dotado con 1.000 euros de premio, ademais dun diploma acreditativo para cada unha das candidaturas.
O concurso está aberto a traballos orixinais "lidos, defendidos e ou xulgados" ante tribunal de calquera universidade galega durante os cursos académicos 2016-2020. Quedan excluídos os traballos xa premiados noutros galardóns.
O prazo para a presentación de candidaturas permanecerá aberto ata o 15 de outubro nos rexistros das universidades. Tamén poderán entregalo en calquera outro rexistro oficial sempre que se notifique en tempo e forma ao Valedor do Pobo.
