Por Galicia Confidencial | Santiago de Compostela | 27/03/2020 | Actualizada ás 21:35
Alberto Núñez Feijóo insistiu este venres en defender o envío de material sanitario a Madrid, especialmente, equipos UCI e respiradores, ao mesmo tempo que segue reclamándolle ao Goberno central máis material para Galicia. De feito, dixo que Galicia non necesitará eses equipos remitidos á capital do Estado “ata mediados de abril”.
“Sorpréndeme que isto moleste. Vemos o número de mortes diarias que hai en Madrid. Nos temos un material de UCI que non imos necesitar ata a segunda semana de abril. Xa temos algún material en depósito e o lóxico é mandalo”, dixo. “Iso non é un sálvase quen poida, senón un salvémonos todos os que poidamos”, apuntou ao tempo que explicou que Galicia ten respiradores en almacéns que pode mandar a Madrid.
AXUDA A PEDRO SÁNCHEZ
Con todo, volveu insistir e en pedir axuda ao Goberno de Sánchez para que lle axuda a mercar máis material, sobre todo, respiradores, camas e equipos UCI. “Non é mesmo comprar respiradores en China para 3 millóns que para 47”, dixo.
Ademais criticou a aqueles que só queren que todo quede en Galicia. “Aquí funcionamos como un país. Se alguén lle importa ser galego neste momento é un plantexamento ético reprobable . E se o din só polo de ser galegos, que teñan en conta que máis de medio millón de galegos que viven e traballan en Madrid e que todos temos familiares en Madrid”, insistiu.
Neste sentido, suliñou que a axuda que presta agora á capital do estado e a un goberno do Partido Popular que privatizou a sanidade pública desa autonomía, como en Galicia, será “amplamente devolta”. “Estou convencido, porque coñezo a esa autonomía, que cando nós o precisemos imos ter multiplicado esta mínima mensaxe de solidariedade”, dixo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.