Alerta laranxa por temporal no litoral da Coruña desde a tarde deste domingo
A alerta permanecerá activa durante a madrugada e a mañá do luns 30 de marzo, segundo as predicións de Meteogalicia.
Por Europa Press / Redacción | SANTIAGO DE COMPOSTELA | 29/03/2020 | Actualizada ás 14:20
O litoral da Coruña permanecerá en aviso laranxa por temporal ante a previsión de ondas de entre cinco e seis metros e ventos de forza oito.
A alerta estará activa desde o mediodía deste domingo. A partir das 18,00 horas, o aviso amarelo vixente desde as 15,00 horas cambiará a laranxa pola previsión de que as condicións climatolóxicas empeoren.
Segundo informa a Dirección Xeral de Emerxencias, o aviso afectará a todo o litoral da provincia da Coruña, desde o norte da ría de Arousa á costa de Ortegal. A costa de Pontevedra e a Mariña luguesa estará en aviso amarelo.
A alerta permanecerá activa durante a madrugada e a mañá do luns 30 de marzo, segundo as predicións de Meteogalicia.
