Por E.P. | SANTIAGO DE COMPOSTELA | 01/04/2020 | Actualizada ás 15:00
A Xunta repartirá estes días máis de 190.000 unidades de material de protección --63.000 máscaras, 1.000 traxes e 122.000 luvas-- entre as sete cidades galegas, ás que distribuirá a mercadoría directamente desde a plataforma loxística posta en marcha para axilizar o proceso e centralizar a adquisición e a repartición de equipos de protección individual.
Segundo explicou o vicepresidente da Xunta, Alfonso Rueda, nun audio difundido aos medios, o Goberno galego xa repartiu material no 98% dos concellos galegos. "Agora imos atender tamén a demanda de auxilio das cidades, que tamén necesitan deste material", sinalou.
Por cidades, a Vicepresidencia da Xunta detalla en varios comunicados que na Coruña repartirá máis de 45.700 unidades --15.492 máscaras, 30.000 luvas e 246 traxes--. Ademais, enviará 18.300 artigos a Santiago --6.197 máscaras, 12.000 luvas e 98 traxes--; distribuirá 24.400 en Ourense --8.262 máscaras, 16.000 luvas e 131 traxe--; e 15.200 unidades na cidade de Ferrol --serán 5.164 máscaras, 10.000 luvas e 82 traxes--.
Así mesmo, en Vigo, repartirá esta semana máis de 45.700 unidades de material de protección --15.492 máscaras, 30.000 guantesy 246 traxes--; en Pontevedra serán 15.200 produtos --5.164 máscaras, 10.000 luvas e 82 traxes--; e en Lugo, 21.300 --7.230 máscaras, 14.000 luvas e 115 traxes--.
CONCELLOS PEQUENOS
O Executivo autonómico destacou que na repartición deu prioridade inicialmente aos concellos pequenos e medianos xa que dispoñen de menos recursos.
A Administración autonómica ten previsto que a cifra de unidades de protección adquiridas directamente pola Xunta e repartidas aos consistorios ascenda a finais desta semana a 685.000, en concreto, 472.000 luvas, 185.000 máscaras, 12.000 traxes e 16.000 batas.
Os criterios de repartición están acordados coa Federación Galega de Municipios e Provincias (FEGAMP) e realizaranse tendo en conta a poboación, o número de casos positivos, o número de efectivos de Policía, o número de voluntarios de Protección Civil, e o número de horas do servizo de axuda no fogar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.