A Federacion de Librarías cualifica de "desastre económico" a convocatoria que regula o fondo solidario

"Profundo malestar" da Federación de Librarías de Galicia ante a regulación do fondo solidario de libros de texto. A entidade critica que serán os propios centros os encargados de xestionar a compra de manuais de 3º e 5º de primaria, que se renovan "por primeira vez desde hai seis anos".

Neste sentido, lembrou que "anteriormente eran os pais" os que acudían á súa libraría de referencia para a súa adquisición e poterior depósito no centro, o que garantía que estes locais "recibisen e xestionasen pedidos de libros" deses niveis na que para moitos é "a campaña máis importante" de ano.

"Con este cambio de modelo, as compras realizaranas os centros, que centralizarán a adquisición nun número moi reducido de entidades, co consecuente desastre económico para a rede de librarías", advirten.

A Federación insiste en que o sector "sente claramente prexudicado e enganado", posto que esta posibilidade era "especialmente necesaria ao permancer pechadas durante dous meses" por mor da crise sanitaria e o estado de alarma.

A Consellería de Educación defendeu, no entanto, que o sistema "non cambia", e que a convocatoria prevé unha indicación respecto diso de que as compras se realicen "preferentemente a través das librarías de referencia" do centro.

Interior dunha libraría. Marta Fernández Xara - Europa Press | Fonte: Europa Press