O PSOE acusa a cargos do PP de Ourense de anunciar axudas da Deputación pola Covid-19 antes de que se publicasen
Acusan aos 'populareso de ter "información privilexiada".
Por E.P. | Ourense | 29/05/2020 | Actualizada ás 20:07
O Partido Socialista denunciou este venres que cargos e alcaldes do Partido Popular de Ourense usaron os seus perfís persoais e institucionais en redes sociais para alertar da apertura de prazos para solicitar axudas da Deputación sobre a COVID-19, antes da súa publicación no Boletín Oficial da Provincia (BOP).
Os socialistas de Ourense tachan de "intolerable" que os cargos máis próximos ao presidente provincial, Manuel Baltar, tivesen "información privilexiada" ou "fosen capaces de predicir o futuro coñecendo, días antes do anuncio formal no BOP, os prazos das axudas que se conceden só ata esgotar fondos dispoñibles e segundo a orde de rexistro".
O deputado Nacho Gómez considerou que se "venderon axudas" antes de estar publicadas e referiuse a publicacións en redes sociais da deputada e alcaldesa de Oímbra, Ana Villarino, ou dos perfís institucionais dos concellos de Boborás ou Ribadavia -gobernados polos conservadores- antes da obrigada publicidade no BOP.
