Temas: IRENE MONTERO IGUALDADE FEIJóO PANDEMIA ELECCIóNS CRTVG 8M ABC PP

Que hai detrás da suposta filtración do PP de Feijóo do vídeo de Irene Montero ao ABC?

O Comité da CRTVG apunta que os populares son os responsables da filtración por intereses partidistas ás portas dunhas eleccións. Acusa ao ABC de “mala praxe xornalística” pola difusión dunhas imaxes que a ETB dixo que foron “roubadas”.

Por Galicia Confidencial | Compostela | 03/06/2020 | Actualizada ás 22:20

O Comité Intercentros da Corporación RTVG esixe unha investigación “seria e independente” para clarexar a posible filtración desde os arquivos da televisión pública galega ao ABC da previa dunha entrevista á Ministra de Igualdade, Irene Montero, na que facía uns comentarios confidenciais sobre as manifestacións do 8M.

Tras apuntar varios medios, entre eles eldiario.es, e a propia ETB, que a única televisión da rede Forta que tiña ese material era a TVG, pide, nun comunicado, que se aclare a posible extracción deas imaxes e se identifiquen ás persoas que puideron participar nesa filtración usando material de titularidade pública “para defender intereses particulares e partidistas”.

ESTRATEXIA POLÍTICA

De feito, considera que esta filtración é “unha estratexia de desgaste político construída a través deste caso polo Partido Popular ás portas dunhas eleccións autonómicas co obxecto de responsabilizar da extensión da pandemia a quen autorizou os actos do 8M, nunhas datas nas que aínda se celebraban todo tipo de eventos masivos de carácter político, deportivo, cultural e social”.

MALAS PRAXES DO ABC

O organismo de representación dos traballadores considera que esta posible filtración “deteriora gravemente a credibilidade dos medios públicos de Galicia” no caso de que non se aclare se ese material, procedente procedente de Euskal Telebista a través do intercambio de información da FORTA, se extraeu dos arquivos da CRTVG para cederllo ao diario ABC. Precisamente, deste medio, o comité critica que se fixo eco do contido dos comentarios da ministra “off de record”, “en contra da praxe xornalística establecida”.

O Comité lembra que o persoal da CRTVG leva anos denunciando e loitando contra a manipulación informativa a través de iniciativas como o blog “eunonmanipulo”, ou realizando actos como os “venres negros ou manifestacións como a do 8 de setembro de 2018.

Temas: IRENE MONTERO IGUALDADE FEIJóO PANDEMIA ELECCIóNS CRTVG 8M ABC PP

6 Gamela

Home dicir que Irene Montero facía uns "comentarios confidenciais" cando é cargo público e o tema do que fala é un tema de interese público (?) Non vexo a confidencialidade por ningures! Agás que teñamos claro que os medios públicos (ETB - CRTVG) son medios de propaganda ao servizo dos cargos públicos de turno (?) Se é así, non sei de que nos queixamos, logo (?)

5 Abraiado

Sendo certo que a filtración é unha manobra para desgastar ao Goberno, non é menos certo que das palabras de Irene Montero non se desprende nada comprometedor nin xa sabido por máis que a dereita intente montar un escándalo ao respecto. Con todo, o peor do asunto para os galegos debería ser comprobar como a imaxe da CRTVG sae dobremente manchada desta polémica: por ser a fonte da filtración e ver como é empregada con fins políticos, pero tamén porque o seu propio comité de empresa ponse en evidencia ao demostrar que non sabe distinguir entre un "off de record" (conversa na que as partes pactan expresamente non divulgar o falado) e un "micro abierto" (conversa informal na que o entrevistado esquece que ten micrófono) e cargar ademas contra outro medio de comunicación.

1 nostrus

Hay que ser muy cínicos para no ver que la celebracion del 8 M era totalmente contraproducente y peligrosa y que la imagen de la CRTVG quede tocada no impide que los organizadores del 8 M puedan ser tratados como criminales por soltar una bomba bactereologica para salir ellos beneficiados.

2 Antinostrus

Nostrus...para Non chega nin a palanganeiro de Goebbels ou, no seu defecto, axudante de recamara do Infecto Ortega Scmiht,..non che facian falta orellas tan grandes...en dura competencia asnal.

3 nostrus

Antinostrus, polos sesudos dos teus comentarios, pódese deducir que, inda que pareza incrible, existen rumiantes de duas patas. Esbardalla o que queiras, que para eso é un pais libre, pero non cagues na cociña.

4 Ros

Feijoo as mans suxas? Non oh....o PP nace do caciquismo puro e duro. A fin sempre xustifica os medios è o seu mantra.

3 patético

A manipulación pseudoxornalística é do que viven os xornáis dende fai moito tempo. O da neveira de Quintana en vehículo oficial é para estudar na facultade de pseudoxornalismo. A cuestión é como reaccionan os partidos ante a incesante manipulación informativa que existe hoxe en día... é unha auténtica guerra mediática en defensa de cada partido... así nos vai... por suposto o cidadán ao seu ...mirar para outro lado¡¡¡

2 Riolo

Si la perjudicada hubiera sido del PP los mismos que critican ésto no dirían absolutamente nada de "mala praxe xornalística" y pedirían la dimisión de la ministra sin más preámbulos.