Mobilizado o helicóptero de Santiago para evacuar un home que caeu dunha árbore na Estrada

Os servizos sanitarios de urxencias informaron ao 112 Galicia, segundo trasladou o centro de emerxencias, da saída, sobre as 16,30 horas, do helicóptero medicalizado con base en Santiago de Compostela cara ao concello pontevedrés da Estrada.

O desprazamento, segundo informa o 112 Galicia, realizouse para evacuar a un home que se caeu dunha árbore na parroquia de Rubín.

Aínda que se transmitiu que non se trataba dun accidente laboral, o 112 indicou que puxo igualmente os feitos en coñecemento dos axentes da Garda Civil de Tráfico, da Policía Local e dos efectivos de Protección Civil da localidade.

Servizo de emerxencias 112