Peche na USC para poder estudar
Os estudantes eclaman a apertura da biblioteca de Filosofía en horario nocturno para afrontar a época de exames.
Por Galicia Confidencial | Compostela | 18/01/2013 | Actualizada ás 10:32
Este xoves un grupo de estudiantes da USC iniciou un peche indefinido na Facultade de Xeografía e Historia desta universidade co obxectivo de que o Reitorado da universidade habilite unha biblioteca nocturna durante toda a época de exames.
Por iso, en asemblea acordaron que manterán as súas reivindicacións ata que consigan a apertura da biblioteca de Filosofía con horario extraordinario. O peche será indefinido ata a consecución dos obxectivos e, como mínimo, ata o 25 de xaneiro, data final do período de exames.
Os esdutantes decidiron elexir a facultade de Historia para o seu peche por ser a "máis axeitada". Ocuparon 3 aulas, das cales dúas serán destinadas ó estudo e unha a descanso e recreo e xa se propuxeron duas quendas de peche, un polo día e outro pola noite.
Entrada pola fiestra
"De non conseguir que a Reitoría permita ter a porta da entrada aberta, empregarase a fiestra da aula de recreo e descanso para poder entrar e saír. Presionarase á Reitoría para que o xerente abra a porta principal, xa que a decisión sobre a apertura das portas depende da Reitoría. Esa porta non estará completamente aberta para evitar a entrada de persoas que poidan ocasionar disturbios no edificio durante a noite". Este é un dos puntos que aprobaron os estudantes na asemblea que tiveron o mesmo xoves.
Por iso, piden aos compañeiros que se queiran sumar a esta iniciativa que traian material para pasar a noite; colchóns, sacos de durmir, mantas, etc.
