Por E.P. | Santiago de Compostela | 12/06/2020 | Actualizada ás 20:19
O alumnado do máster de profesorado da Universidade de Santiago de Compostela denunciou a situación na que se atopa debido á colisión dos prazos destes ensinos cos establecidos pola Xunta para poder presentarse nas oposicións.
Tras a decisión da Consellería de Educación de renovar o prazo de inscrición, segundo explica o colectivo de afectados, a única saída que quedaba ao alumnado pasaba por entregar a documentación necesaria antes do día 19 deste mes.
O problema radica en que o prazo extraordinario opcional convocado pola USC para a presentación do TFM non permite "chegar a tempo" ás datas de inscrición á OPE, segundo denuncian.
Este alumnado contrapón esta medida coas decisións doutras universidades, como a de Vigo, que modificou os prazos para que o alumnado poida estar en disposición do titulo "a tempo" para presentarse ao proceso.
Os afectados levan "preto dun mes" comunicándose co decanato de Ciencias da Educación da USC, a Secretaría Xeral, a UXA e a Reitoría "sen lograr unha solución" e a pesar de contar co apoio do Valedor dá Comunidade Universitaria.
En concreto, tanto o Valedor como os alumnos reclaman "abrir as actas" o día 17 para que os estudantes poidan pagar o título a tempo e inscribirse na OPE, para contar cun "xustificante" que lles permita formalizar o proceso.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.