Marea Atlántica quere que a Xunta declara BIC a Casa Cornide pola "vía de urxencia"
O viceportavoz de Marea Atlántica no Concello da Coruña, Iago Martínez, asegura que a familia Franco "sabe que o van a perder, como lles está acontecendo co Pazo de Meirás".
Por Europa Press / Redacción | A CORUÑA | 08/07/2020 | Actualizada ás 18:45
Marea Atlántica esixiu á Xunta que declare a Casa Cornide como Ben de Interese Cultural (BIC) "pola vía de urxencia, paraimpedir que o Franco vendan o patrimonio da Coruña".
Nun comunicado, sinala que o inmoble, que pertenceu ao historiador José Cornide, "foi agasallado á muller do ditador nunha fraude de lei, demostrado con probas documentais".
Por iso, demanda ao Goberno galego que actúe de oficio e declare como BIC a Casa Cornide, pola vía de urxencia, para "impedir" a súa venda tras a aparición da mesma nun portal inmobiliario.
"Este edificio é patrimonio da cidade da Coruña", afirma o viceportavoz de Marea Atlántica no Concello da Coruña, Iago Martínez, que asegura que a familia Franco "sabe que o van a perder, como lles está acontecendo co Pazo de Meirás, e queren facer caixa antes, pero non pode consentirse".
