EAPN Galicia celebra a aparición do 'cartón moedeiro' da Xunta para persoas vulnerables

EAPN Galicia, federación de entidades de iniciativa social, aplaudiu a posta en marcha por parte da Consellería Social do Programa extraordinario de axudas económicas para a cobertura de necesidades básica á poboación en situación de vulnerabilidade ocasionada pola COVID-19.

Segundo lembra a EAPN, implentada a través de Cruz Vermella Galicia, trátase dunha axuda económica que permitirá, cun 'cartón moedeiro', a adquisición de produtos de alimentación, hixiene e farmacia.

A pesar da súa "limitada duración", EAPN Galicia aplaude o impulso dunha medida, lembra, "reclamada desde hai anos" como "un primeiro paso imprescindible aposta pola dignidade das persoas, o afastamento do asistencialismo e a estigmatización".

Tamén incide en "a inxección económica que suporá para os comercios de proximidade", onde as persoas "poderán adquirir os artigos como o resto da cidadanía máximo nun contexto de emerxencia social como a que se está vivindo".

Así mesmo, segundo unha nota que difundiu, celebra "a diminución notable da burocracia" nos Servizos Sociais Comunitarios para que "calquera persoa que viva en Galicia poida acceder rapidamente ao cartón".

Pobreza infantil.