Detido un home de 62 anos por tráfico de drogas en varios locais de Ourense

Axentes da Policía Nacional de Ourense detiveron a un home natural de Pontevedra como presunto autor dun delito de tráfico de drogas, cocaína, haxix e marihuana, en distintos establecementos da cidade de Ourense.

Segundo informou a Policía Nacional, o Grupo de Estupefacientes iniciou no mes de maio unha investigación sobre un home de 62 anos que se dedicaba á venda de sustancias estupefacientes como cocaína, haxix e marihuana.

A Policía indicou que sempre adoitaba levar pouca cantidade encima, motivo polo cal as veces que foi interceptado, mesmo en período de estado de alarma, "a intervención equivale a unha sación administrativa".

O detido foi identificado como un home de 62 anos de idade, natural de Pontevedra, cun arresto anterior. Quedou en liberdade en dependencias policiais.