Adán: "O BNG ten paredes de cristal grazas a Internet"

A fronte, que elixirá a Xavier Vence novo voceiro na Asemblea Nacional desta fin de semana, destaca a audiencia do blogue “#Contigo17M”.

Por Galicia Confidencial | Santiago | 15/03/2013 | Actualizada ás 18:11

Este domingo, 17 de marzo, o Bloque Nacionalista Galego celebrará a súa Asemblea Nacional, onde se definirán e aprobarán as súas teses políticas para os vindeiros anos, así como a súa Executiva Nacional. A lista que lidera o catedrático Xavier Vence, que conta co apoio da Unión do Pobo Galego (UPG) e independentes, é a única presentada tras a renuncia de Abrente, a corrente máis próxima á socialdemocracia, a presentar batalla.

Na véspera do encontro, dende o Bloque destacan a súa aposta polas redes como alternativa de comunicación coa militancia. "Nun momento que consideramos crítico para Galiza debido á deriva anti-social e á perda de capacidade de decisión dos galegos e galegas, unha das novidades desta asemblea foi a realización dun blogue en que o BNG lle deu resposta a decenas de preguntas da militancia e da cidadanía sobre a situación actual, sobre a propia asemblea, sober as teses que se aprobarán nela e sobre o futuro da organización frontista".

Con "máis de 3000 visitas en tres semanas", o blogue “#Contigo17M” é, en opinión da fronte, "pioneiro neste achegamento das teses dunha organización política ao pobo en xeral, facendo uso, ademais, das redes sociais, onde todas as persoas interesadas poden opinar sobre a Asemblea e sobre o BNG, facer preguntas -máis de 60 desde o inicio- ou debullar as teses parágrafo a parágrafo".

Como informou GC, “#Contigo17M” está resxistrado por Pan y Chorizo, empresa do consultor externo contratado tras o fiasco das eleccións galegas para mellorar a imaxe dos nacionalistas. A derrota electoral é un dos factores que levaron ao Bloque a executar un ERE entre algúns traballadores da Sede Nacional, incluídos media ducia de xornalistas. A decisión de empregar un consultor externo pouco despois causou sorpresa entre estes ex-traballadores.

A responsábel de Comunicación do BNG, Carme Adán, valora positivamente a campaña pre-asemblear da formación frontista na rede e congratúlase de que organizacións como o BNG “teñan paredes de cristal, onde a internet desenvolve un papel fundamental”. A nacionalista pon de manifesto que “é o momento do ciberactivismo e de sumar ao nacionalismo miles de persoas novas que entenden a comunicación, tamén, desde a rede”, conclúe.

5 Xurxo Remeseiro

A UPG continua facendo ciencia-ficción. Felizmente temos outras opcións...

4 anonimo

De termos un PG cun Bóveda, cun Otero, cun Castelao, cun Ánxel Casal...a acabar nisto. A decadencia benegalla continúa. E desa especie de Beppe Grillo compostelán e a súa comparsa de aplaudidores do esquerdismo español, mellor nin falar.

3 tribuna da plebe

Frikijoles esta gobernando gracias as tontadas de vieiras...co vieiras dereitismo e expañolismo para moitos anos JEAN PAUL MARAT FOI GRANDE

2 Mago de Oz

Adán no pais das maravillas. Esta muller vive nunha nube de irrealidade permanente. Menos mal que non a quixeron para a nova executiva que vai sair mañá. Cecais por despecho esta nunha aloucada carreira de promoción persoal, na que di este tipo de cousas e titulares alambicados e peliculeiros pouco cribeis como "paredes de cristal" que lle fará o presunto "gurú" asesor liberal contratado por ela e que tamén asesora ao PSOE e PP. Como o BNG non enmende o rumbo, irá a peor.

1 Alonso Vidal (Tui)

Que não a quiseram para a Executiva? Tu não te inteiras de nada. Rogarom-lhe uma e outra vez, quase lhe fazem uma "encerrona" numa sala para que aceitasse, mas ela prefiriu ceder protagonismo para facilitar a renovação da cúpula. Ainda assim tivo que ceder estar de nº 16 da lista ao CN -a primeira que não vai na executiva. É a mulher mais preparada, intelectualmente, sempre do meu ponto de vista, para dirigir o BNG. E ainda para além disso é uma dessas pessoas que trabalha 18 horas ao día. Quem criou as Galescolas? quem as leis de dependência e igualdade? Quem, depois deo seu trabalho diário, ainda hoje, fica horas no despacho, por exemplo para enviar notas de imprensa? Suponho que estará queimada já por tanto trabalho polo BNG e porque quatro elemntos como tu se dedicam a difamar, simplesmente, sem nenhum conhecimento de causa.

2 Poidera estar no Psoe

Pois a min dixéronme que presentou unha lista completa de candidatura encabezada por ela, que ao final retirou, co que o de facilitar a renovación, vai ser que non. O das notas de prensa, que mal, quitándolle o traballo aos xornalistas (por iso os despediron e trouxeron a Santiago Martinez , un asesor que traballa ao tempo para o PSOE). Fíxate se non temos coñecemento de causa.

1 militante

3.000 visitas???. Pero esta muller sabe o que son 3.000 visitas en tres semanas? Máis ou menos será o nùmero de compromisarios da Asemblea. A verdade é que un choiazo o deste consultor.