A Policía Local da Coruña frustra o intento de ocupación de dúas vivendas
As actuacións tiveron lugar o sábado. A primeira tivo lugar nun inmoble da avenida da Pasaxe tras solicitar a axuda dos axentes os donos.
Por E.P. | A CORUÑA | 25/08/2020 | Actualizada ás 19:10
A Policía Local da Coruña evitou a ocupación de dúas vivendas con varias dotacións que foron requiridas polos veciños, segundo informa o consistorio herculino.
As actuacións tiveron lugar o sábado. A primeira tivo lugar nun inmoble da avenida da Pasaxe tras solicitar a axuda dos axentes os donos.
Segundo trasladaron, os okupas causaron distintos danos na propiedade e instaláronse nela, ademais de proferir diversas ameazas. Dado o pouco tempo que transcorreu desde a ocupación, os axentes entraron pola forza e requiríronlles para que abandonasen o lugar, ademais de impedirlles a súa volta. Estas mesmas persoas foron desaloxadas o pasado 20 de xullo doutra casa, situada en Perillo (Oleiros).
A segunda intervención foi nun piso da rúa Colombia, de propiedade municipal e no que vivía ata pouco unha muller, falecida recentemente.
De acordo co relatado polos veciños, un mozo okupa entraba e saía por unha xanela xa que a entrada non tiña sinais de que fose violentada. Tras ser localizado, manifestou que non se apropiou de nada, confirmando os axentes que non había signos de violencia. Tamén solicitaron o apoio dos bombeiros para pechar a xanela.
