A Policía de Cambre interpuxo 130 multas a particulares por non levar máscara no último mes
Foi sobre todo, na primeira semana. "Agora a xente está máis concienciada", di.
Por Europa Press / Redacción | SANTIAGO DE COMPOSTELA | 05/09/2020 | Actualizada ás 13:00
Nas catro últimas semanas, a Policía Local de Cambre interpuxo un total de 130 multas a particulares por incumprir o uso obrigatorio de máscara.
Así o informaron desde este concello coruñés que, no entanto, precisou que na última semana produciuse unha "notable redución" no número de sancións diarias.
Os primeiros días despois de aplicarse a nova normativa interpuxéronse un maior número de multas por non levar posta a máscara. Na actualidade, a xente "está máis concienciada", apuntan desde a Policía, e o maior problema rexístrase nas terrazas.
Os efectivos da Policía Local están agora preparándose para a volta ao colexio, adaptando os espazos de entrada e saída dos diferentes centros educativos para evitar aglomeracións no momento de deixar e recoller aos nenos.
