Este mapa do ceo ten todas as constelacións en tempo real... cos seus nomes en galego

Novo paso para a normalización lingüística no eido da divulgación científica. Dous investigadores veñen de publicar un proxecto que pon a lingua galega á altura doutros idiomas en materia astronómica. A iniciativa consiste nun mapa que dispón as constelacións estelares en tempo real empregando o galego tanto para os nomes dos conxuntos como para cuestións técnicas.

O proxecto, desenvolto polo físico da USC Salva Bará e o divulgador Martin Pawley, válese do mapa animado da web Heavens Above para dispoñer unha visión completa do ceo en lingua galega. O proxecto, que pode ser consultado nesta ligazón, vén de recibir os parabéns de ducias de tuiteiros.

Unha beleza @pawley, @salvabara. Os meus parabéns e o meu agradecemento. Agora o galego un bocadiño máis elevado.

— Esperanza Gama (@spezaga) September 9, 2020

Parabéns, ao @salvabara e a ti, polo traballo feito! Ao tempo, darvos as grazas! 💜🌌🔭
— a Dores Asorei♀️☂🎗#RabudaPqMePeta🌻#Feminista24/7 (@AsoreiDores) September 9, 2020

Os responsables do proxecto aproveitaron a ocasión para instar á Real Academia Galega a elaborar unha listaxe "definitiva" coas constelacións apreciables a simple vista

Dende hai uns minutos o sitio web @HeavensAboveCom ten os nomes das constelacións en galego, cousa miña e de @salvabara (á espera de que a @AcademiaGalega estableza unha listaxe definitiva de constelacións). https://t.co/pQpJAo3VXl pic.twitter.com/7TPHZOahwr

— Martin Pawley (@pawley) September 9, 2020

Un traballo impulsado desde o comezo polo @pawley . Que teñamos moitas noites de ceos escuros co Augador e co Seteiro ;) @AcademiaGalega https://t.co/xm8p3y0TXA

— Salva Bará (@salvabara) September 9, 2020