CGT reclama a volta dos servizos ferroviarios galegos suprimidos pola pandemia

Tamén reivindica a recuperación de trens hoteis Galicia-Madrid e Galicia-Barcelona, suprimidos desde marzo.

Por Europa Press / Redacción | SANTIAGO DE COMPOSTELA | 16/09/2020 | Actualizada ás 20:04

Comparte esta noticia

CGT reclama a recuperación dos servizos ferroviarios galegos suprimidos durante o estado de alarma decretado pola pandemia da covid-19, xa que "minguaron substancialmente os trens de longa e media distancia galega".

Así, esixe que se recuperen as conexións A Coruña-Ferrol, A Coruña-Monforte, Vigo-León e Vigo-Pontevedra e Vigo-O Porto "na súa totalidade", así como os trens de longa distancia Galicia-País Vasco e Galicia-Madrid, "o primeiro suprimido totalmente desde marzo e o segundo limitado a tres servizos diarios".

Tamén reivindica a recuperación de trens hoteis Galicia-Madrid e Galicia-Barcelona, suprimidos desde marzo. Propón a "revitalización" destes servizos "como alternativa ao avión" e en liña coas actuacións doutras operadoras públicas europeas, que "tras a pandemia puxeron ou están a estudar a circulación de novos servizos nocturnos ferroviarios".

Coincidindo con que desde este mércores e ata o 22 de setembro a Dirección Xeral de Mobilidade e Transporte da Comisión Europea celebra a semana europea da mobilidade sustentable, CXT tamén esixe políticas que promovan un aumento da cota de transporte de mercadorías por ferrocarril.

XUNTA-RENFE

A semana pasada, a conselleira de Infraestruturas, Ethel Vázquez, trasladou ao ministro de Transportes, José Luís Ábalos, a queixa da Xunta por que non se repuxeron os servizos ferroviarios anulados pola covid-19. Renfe admitiu que só recuperará estes trens anulados pola pandemia "na medida que a demanda o vaia pedindo".

Tren. RENFE - Arquivo
Tren. RENFE - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta