Aberta unha nova convocatoria de axudas predoutorais para mozos investigadores
É unha iniciativa da Asociación Española Contra o Cancro (AECC) na provincia da Coruña.
Por Europa Press / Redacción | A CORUÑA | 17/09/2020 | Actualizada ás 10:58
A Asociación Española Contra o Cancro (AECC) na provincia da Coruña, no marco do Día Mundial da Investigación en Cancro, presenta unha nova convocatoria de axudas predoutorais destinadas a promover a formación de mozos investigadores en cancro.
Segundo informa, estas axudas teñen unha duración de tres anos, prorrogable ata o catro, cunha dotación total de ata 88.000 euros (22.000 euros anuais) e teñen como finalidade promover a formación multidisciplinar de investigadores cun título universitario en ciencias ou enxeñaría.
Coas mesmas, os investigadores poderán realizar unha tese doutoral en cancro nun centro de investigación de referencia, co soporte dun grupor receptor "de acreditada traxectoria científica".
A AECC ten un total de 380 proxectos con máis de 1.000 investigadores. Actualmente, a AECC coruñesa conta cun total de dous proxectos cunha achega de 176.000 euros.
