Sanidade di que era "esperable" o número de contaxios en centros educativos de Galicia
Os últimos datos actualizados este fin de semana relativos a centros e escolas infantís da Comunidade galega situaban en 258 o número de casos.
Por Europa Press / Redacción | SANTIAGO DE COMPOSTELA | 28/09/2020 | Actualizada ás 15:29
A Consellería de Sanidade ve dentro do "esperable" os datos de contaxios de coronavirus Covid-19 nos centros educativos da Comunidade galega rexistrados ata a data.
Así o afirmou en rolda de prensa o director xeral de Asistencia Sanitaria, Jorge Aboal, a preguntas dos medios no marco da presentación da campaña de vacinación antigripal 2020.
Aboal explicou que en Galicia seguen os estudos para identificar os casos de transmisión. "Todo o que sucede está dentro do esperable", concluíu.
Os últimos datos actualizados este fin de semana relativos a centros e escolas infantís da Comunidade galega situaban en 258 os casos. Con todo, as aulas clausuradas baixaron ata un total de 51, e Galicia continúa sen colexios pechados pola incidencia da pandemia.
