Detido un verinés de 19 anos por circular con máis de 300 gramos de marihuana

A Garda Civil de Verín detivo o pasado fin de semana a un mozo veciño deste municipio ourensán tras ser interceptado nun vehículo con máis de 300 gramos de marihuana.

Segundo informou o Instituto Armado, o pasado 10 de outubro foi detido R.R.L., de 19 anos de idade e veciño de Verín, como presunto autor dun delito contra a saúde publica por tráfico de drogas.

Este individuo foi interceptado cando conducía un vehículo no que levaba dúas bolsas con marihuana cun peso de 314 gramos, concretaron as mesmas fontes. As dilixencias instruídas en relación con estes feitos foron remitidas á Xulgado Instrución número 1 de Verín.

O mozo foi detido no seu municipio. GARDA CIVIL