O Senado non descarta que a Conferencia de Presidentes sexa telemática e supedítao ao estado de alarma en Madrid
A ela está convidada a presidenta da Comisión Europea, Ursula von der Leyden.
Por E.P. | MADRID | 13/10/2020 | Actualizada ás 15:36
A vicepresidenta do Senado, Cristina Narbona, avanzou este martes sobre a Conferencia de Presidentes prevista para o próximo 26 de outubro que non se descarta que sexa de forma telemática e que atenderá á situación de estado de alarma na Comunidade de Madrid.
En rolda de prensa tras a reunión da Mesa, Narbona aclarou ao ser preguntada sobre o formato da Conferencia de Presidentes que a intención inicial era que o encontro fora presencial e indicou que estes detalles se coñecerán nun momento máis próximo á Conferencia.
"Atopándonos en estado de alarma, polo menos ata o día 23, quizais o formato definitivo da reunión teña que ver co momento en que se atopa a Comunidade de Madrid", salientou. Á reunión convidouse a participar á presidenta da Comisión Europea, Ursula von der Leyen, nun momento "delicado para España" porque, segundo argumentou, están a debaterse os tempos e os contidos dos fondos europeos dos que o país debería "beneficiarse ao máximo".
