O PSdeG insta á Xunta a intervir as residencias Val de Monterrei e Nosa Señora do Viso

A portavoz de Política Social do PSdeG, Marina Ortega, instou ao goberno galego a intervir as residencias de maiores Val de Monterrei e Nosa Señora do Viso, en Lobeira, para "evitar máis falecementos" entre as persoas usuarias.

Ortega presentou unha batería de iniciativas parlamentarias despois de que o pasado martes, 1 de outubro, Galicia rexistrase 11 novas mortes relacionadas coa covid-19, "o que supón a maior cifra de falecementos nunha mesma xornada desde o pasado 26 de abril".

Así, a socialista urxe á Xunta a tomar medidas preventivas e "non a actuar cando os contagios invaden o centro na práctica totalidade". Con iso, lamenta que tanto na residencia Val de Monterrei como en Nosa Señora do Viso, "a situación xa é límite, tendo en conta que hai 70 e 50 contagios por covid, respectivamente".

Mariña Ortega cre que "é preciso que a Xunta interveña a xestión para poder dotar do persoal suficiente, así como de recursos que habiliten unha mellora na atención das persoas interinas", xa que "os centros de atención residencial configuran o núcleo máis vulnerable neste contexto".

Unha persoa asómase pola xanela da residencia de maiores DomusVi de Outeiro de Rei en Lugo, Galicia (España), a 8 de setembro de 2020. A Xunta interveu o xeriátrico tras detectar 99 positivos máis en covid-19, 94 deles en usuarios e cin. Carlos Castro - Europa Press - Arquivo