Galicia non para de superar récords negativos: doce falecidos, a cifra máis alta na segunda onda
Os mortos pola pandemia en Galicia son xa 880. A Xunta, a diferencia doutros días, di que informará sobre a procedencia destes falecidos ao longo do martes.
Por Europa Press / Redacción | SANTIAGO DE COMPOSTELA | 26/10/2020 | Actualizada ás 21:32
As autoridades sanitarias notificaron este luns a morte de 12 persoas con coronavirus en Galicia, o que supón a maior cifra de falecementos comunicados nesta segunda onda da pandemia. A cifra de falecidos na Comunidade con covid-19 ascende xa a 880 persoas.
Fontes da Consellería de Sanidade comunicaron a última hora deste luns do falecemento de 12 persoas diagnosticadas con covid-19, e na próxima xornada ratificarán as áreas sanitarias das que proceden. En todo caso, este número de vítimas mortais é o máis alto comunicado nunha mesma xornada desde o pasado 26 de abril, cando Sanidade informou de 15 falecidos.
A primeira morte computada na Comunidade na denominada 'nova normalidade' foi a dunha muller o 7 de agosto. Antes diso, Galicia encadeara case dous meses --desde o 10 de xuño-- sen decesos relacionados co coronavirus.
