Por E.P. | SANTIAGO DE COMPOSTELA | 28/10/2020 | Actualizada ás 14:20
O secretario xeral do PPdeG, Miguel Tellado, reclamou criterios de "transparencia e obxectividade" na repartición dos fondos de reconstrución procedentes da Unión Europea. En rolda de prensa este mércores, o secretario xeral do PPdeG sinalou que no encontro no que participaron senadores, deputados e o eurodeputado galego da súa formación, Francisco Millán Mon, tamén se abordou a cuestión dos fondos europeos de reconstrución.
Neste sentido, os populares reclaman ao Executivo central que "non impoña unha distribución opaca na repartición de fondos europeos que favoreza os intereses do PSOE e desprece" á Comunidade galega.
No encontro, Millán Mon compartiu cos demais dirixentes populares os "obxectivos" destes fondos como "coñecedor de primeira man", e iso, dixo, permitiu " constatar" que a "proposta da Xunta" para captar fondos europeos "é realista, perfectamente viable e vai na liña das prioridades da Unión Europea".
Tellado lembrou que a Xunta seleccionou 108 proxectos que "mobilizarán", segundo os cálculos realizados, uns 9.400 millóns de euros, o que "permitirá a progresiva recuperación económica e social de Galicia".
Iso si, engadiu, para "que isto ocorra", é preciso que haxa "un sistema de repartición xusta coas comunidades autónomas, baseado na transparencia e na obxectividade, que non supoña unha xestión opaca e que non beneficie ás comunidades en detrimento de Galicia, como nos ten acostumados --dixo--" o Goberno de Sánchez.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.