O BNG defende que o sector pesqueiro sexa "referente" na negociación dos fondos europeos de reconstrución

O BNG defendeu este mércores que o sector pesqueiro sexa "referente" e "prioritario" nos fondos europeos de reconstrución e instou ao Goberno galego e á Xunta para paliar o impacto da segunda parte das negociacións do Brexit na pesca galega.

Así o destacaron a portavoz do Bloque en Europa, Ana Miranda; e os deputados autonómicos Rosana Pérez, Carmela González e Daniel Castro, tras un encontro mantido coa directiva da Cooperativa de Armadores de Vigo (ARVI), encabezada polo seu presidente, Javier Touza.

Ana Miranda explicou que unha das propostas do BNG consiste na convocatoria dunha reunión de traballo co sector da pesca e industria para escoitar as súas reivindicacións e que estas poidan ser receptoras dos fondos europeos, entre as que pode figurar a Cidade do Mar.

A portavoz do Bloque en Europa criticou, ademais, a ausencia do Goberno galego na preparación dunha estratexia que teña en conta o sector pesqueiro, a investigación mariña, así como a industria derivada. "Parécenos esencial facer esa presión para que o sector do mar teña recepción deses fondos e vaian dedicados ao sector produtivo en toda a cadea, e non ás empresas do IBEX", indicou Ana Miranda.

Pola súa banda, Rosana Pérez censurou que a Xunta "tire para diante" con "cento e pico de proxectos a respecto dos fondos europeos" nos que "non ten absoluta presenza unha das columnas vertebrais da economía galega". Así, lembrou que a pesca galega aglutina miles de industrias e millóns de postos de traballo.

Por outra banda, o BNG instou ao Goberno español a ampliar a prórroga das inspeccións durante o tempo necesario para asegurar que os tractores e o resto de maquinaria agrícola circulen dentro da legalidade mentres esperan pola posibilidade de obter cita nas unidades móbiles.

Representantes do BNG, como a portavoz en Europa Ana Miranda, reúnense coa directiva de ARVI. BNG | Fonte: Europa Press