Gravan un xabaril en pleno centro da Coruña

Un xabaril foi gravado na rúa Juan Flórez, en pleno centro urbano da cidade da Coruña, durante a madrugada do pasado sábado. O vídeo foi capturado e colgado en redes sociais por un operario do servizo que se atopa instalando as luces de nadal na cidade herculina.

Tras a publicación do vídeo, o colectivo animalista Libera emitiu un comunicado no que advirte que o toque de queda decretado en Galicia a partir das 23,00 horas para combater a pandemia favorece a presenza de fauna silvestre nas áreas urbanas.

O colectivo lembra que, no caso da Coruña, é a segunda ocasión en poucos días que se avistan xabarís no centro da cidade, ao que chegan, din, ao non atopar vehículos ou estímulos que os manteñan afastados da zona urbana.

Así, propoñen que o corpo da Policía Local dispoña de medios "non letais", como lazos adaptados ou dardos anestésicos, para sacar os animais das cidades e devolvelos á súa contorna.

A presenza de xabarís nas cidades galegas foi en aumento nos últimos anos. De feito, en Lugo adoptáronse medidas especiais como patrullas de porteiros para facer fronte ás incursións destes animais na Cidade das Murallas.

Mirar con lo que nos topamos en Juan Flórez por segunda vez preparando la calle para el montaje del alumbrado de Navidad policía local avisada por nosotros antes iba para Cuatro caminos y ahora de vuelta @EloyTP @vocescoruna @silcerino @vozcoruna @Policia_Coruna @quincemil15000 pic.twitter.com/6QBqIVqvLK

— Victor (@Ositoviku31) November 8, 2020