Trasladan a tres persoas afectadas por inhalación de fume despois dun incendio nun local en Melide
Segundo informa o 112, os feitos sucederon na Rúa Cantón de San Roque, á altura do número 9.
Por E.P. | A CORUÑA | 18/11/2020 | Actualizada ás 14:40
Un incendio declarado na cheminea dunha churrería en Melide saldouse con tres persoas afectadas que tiveron que ser trasladadas ao presentar síntomas de intoxicación por inhalación de fume, unha frixidora calcinada e diversos danos orixinados nas dúas plantas do inmoble pola propagación de gases durante incendio.
Ademais, un axente da Policía Local que traballaba no operativo foi atendido tamén por intoxicación de fume.
Segundo informa o 112, os feitos sucederon na Rúa Cantón de San Roque, á altura do número 9.
A VOZ DE ALERTA DÉRONA VARIOS PARTICULARES
O suceso produciuse preto das 10,30 horas e foron varias persoas particulares as que alertaron do lume ao 112 Galicia.
A continuación, o servizo de emerxencias deu aviso aos Bombeiros de Arzúa, a Urxencias Sanitarias de Galicia-061, a Protección Civil e aos axentes da Policía Local e da Garda Civil.
