Afundación organiza este luns un coloquio sobre Quino, o creador de Malfada

Afundación organiza este luns un coloquio en liña sobre a figura do recentemente falecido Quino, ilustrador arxentino creador de Mafalda. O encontro, que pretende ser un "coloquio homenaxe" ao creador arxentino, estará moderado polo experto Asier Mensuro e emitirase por 'Afundación' a partir das 19,00 horas.

Nel participarán os tamén ilustradores Horacio Altuna e Manel Fondevila, que se confesan admiradores e seguidores de Quino, responsable da figura máis universal do humor gráfico en español, a pequena Mafalda. 

O encontro é gratuíto, aínda que para seguilo é necesario apuntarse previamente na páxina web de Afundación.