González Formoso cre que as diverxencias no seo do PSOE coruñés "nunca deberon saír" do debate interno

O presidente da Deputación da Coruña e secretario provincial do PSOE coruñés, Valentín González Formoso, eludiu pronunciarse sobre as diverxencias xurdidas no seo do PSOE coruñés entre o goberno local e a secretaria da Agrupación local, Eva Martínez Acón.

En concreto, estas diferenzas centráronse no pago das cotas por parte dos edís do goberno local --que o PSOE local reclama e que os primeiros negan que deber-- e a destitución de Martínez Acón á fronte de Emprego, que a rexedora, Inés Rey, vinculou co seu traballo á fronte desta área.

Coincidindo coa súa presenza na presentación do orzamento da Deputación da Coruña para o próximo ano, evitou expresar a súa opinión por "respecto" aos seus compañeiros e compañeiras socialistas, pero tamén ao "partido".

"Teño a miña opinión", expuxo unicamente Formoso, para quen este tipo de cuestións deben ser tratadas "no ámbito interno do partido, do que nunca deberon saír", apostilou.