O BNG esixe que o Goberno inclúa o protocolo de reclamación colectiva tras ratificar a Carta Social Europea

"Este sistema de reclamacións colectivas é unha ferramenta imprescindible para que a Carta Social Europea non quede en papel mollado" declarou o deputado do BNG, Néstor Rego.

Por E.P. | MADRID | 24/11/2020 | Actualizada ás 14:48

Comparte esta noticia

O Bloque Nacionalista Galego reclamou ao Goberno a inclusión do protocolo de reclamacións colectivas dentro da tramitación parlamentaria da Carta Social Europea para a súa ratificación.

Este sistema de reclamacións colectivas permite que determinados suxeitos, principalmente sindicatos e ONG poidan denunciar directamente no Comité Europeo de Dereitos Sociais aos Estados que incumpren os mandatos desta carta, tanto pola súa lexislación como polas súas prácticas.

E é que o BNG lembra como o pasado 10 de novembro o Consello de Ministros aprobou un acordo para remitir ás Cortes Xerais a revisión desta Carta, autorizando a manifestación do seu consentimento, pero informando de que este protocolo non sería ratificado no presente procedemento.

"Días despois e sen explicar as razóns, dita publicación oficial foi obxecto de cambios, eliminando toda referencia á vontade expresa do Goberno de non querer ratificar o citado protocolo sobre reclamacións colectivos", manifesta o BNG.

Neste sentido, esta formación, a través do seu deputado no Congreso, Néstor Rego, avanzou a súa intención de presentar unha emenda parcial ao texto durante a súa tramitación para que se inclúa na declaración de aceptación no referente ás reclamacións colectivas.

"Este sistema de reclamacións colectivas é unha ferramenta imprescindible para que a Carta Social Europea non quede en papel mollado, na medida en que a ratificación do Protocolo Adicional á Carta Social Europea no que se establece un sistema de reclamacións colectivas suporía maior visibilidade, esixibilidade e efectividade dos dereitos, tan básicos e fundamentais, que aquela Carta establece" destacou o deputado nacionalista.

O portavoz do BNG no Congreso, Néstor Rego, intervén durante unha rolda de prensa no Congreso. EUROPA PRESS/E. Parra. POOL - Europa Press / Europa Press
O portavoz do BNG no Congreso, Néstor Rego, intervén durante unha rolda de prensa no Congreso. EUROPA PRESS/E. Parra. POOL - Europa Press / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

Este homiño está nas berzas / https://www.boe.es/buscar/pdf/1980/... Gostaríame saber se esa Carta Social Europea servirá para que o alcalde de Vigo faga públicos os Plenos (que celebra a porta pechada) ? E ao mellor tamén poderían reclamar colectivamente o BNG e Marea de Vigo a ver se temos democracia ou xa estamos nunha Pura Autarquía ! https://twitter.com/00Gamela/status... Eso sí, na Deputación de Pontevedra o BNG vota con Carmela ! Ay Carmela !