(Vídeo) Así é a vida dos estudantes que decidiron vir a Galicia a pesar da Covid: entre restricións e clases online
María Corbera e Fernando Aroca son dous estudantes universitarios de intercambio en Galicia. A pesar da Covid, decidiron non renunciar ao programa SICUE e vir estudar á capital galega. E esta é a súa experiencia.
Por Jessica Fernández | SANTIAGO DE COMPOSTELA | 13/12/2020 | Actualizada ás 22:00
O Sistema de Intercambio de Centros Universitarios Españois (SICUE) permite, cada ano, que o estudantado de grao de diferentes lugares do país poidan elixir un destino ao que desexen ir e onde poidan estudar a súa carreira.
Esta experiencia permite que os estudantes disfruten dun ano fóra dos seus fogares para coñecer outras culturas e outras universidades. Porén, este ano, a experiencia SICUE está limitada pola pandemia do coronavirus, que mudou tanto o desenvolvemento normal das materias nos graos universitarios, como tamén cambiou as relacións persoais, limitando os grupos de reunión de persoas a conviventes.
María Corbera, estudante universitaria de Barcelona e Fernando Aroca, estudante universitario de Sevilla cóntannos a súa experiencia de SICUE durante os primeiros meses de curso na capital galega.
