97 municipios galegos levan dúas semanas sen detectar casos covid, máis da metade en Ourense
O número supón algo máis do 30% dos concellos galegos cun aumento de 23 con respecto o sábado pasado.
Por Europa Press / Redacción | SANTIAGO DE COMPOSTELA | 12/12/2020 | Actualizada ás 11:17
Galicia contabiliza este sábado un total de 97 municipios nos que non se rexistrou ningún caso de coronavirus nos últimos 14 días, o que implica case un terzo, o 30,9% dos 313 concellos galegos, e un aumento de 23 con respecto ao pasado sábado. De todas as localidades libres de covid, a gran maioría --54-- volve estar na provincia de Ourense.
Segundo se desprende do mapa que actualiza diariamente a Consellería de Sanidade, este número supón que máis de metade, exactamente o 58,7%, dos municipios ourensáns leva dúas semanas sen detectar positivos.
En concreto, son A Arnoia, Baños de Molgas, Bande, Beade, Boborás, A Bola, O Bolo, Carballeda de Valdeorras, Cortegada, Cartelle, Castrelo do Val, Castro Caldelas, Cenlle, Chandrexa de Queixa, Entrimo, Esgos, Gomesende, A Gudiña, O Irixo, Xunqueira de Ambía, Xunqueira de Espadañedo, Larouco, Laza, Lobeira, Maside, Melón, A Merca, A Mezquita, Montederramo, Monterrei, Muíños, Nogueira de Ramuín, Paderne de Allariz, Padrenda, Parada de Sil, A Pobra de Trives, Piñor, Pontedeva, Porqueira, Punxín, Oímbra, Quintela de Leirado, Rairiz de Veiga, Ramirás, Riós, Rubiá, San Xoán de Río, San Amaro, A Teixeira, A Veiga, Verea, Vilamarín, Vilar de Barrio e Vilariño de Conso. Estes 54 municipios ourensáns libres de covid nos últimos 14 días son oito máis que os que figuraban no mapa o sábado pasado.
Tras Ourense, está Lugo como segunda provincia con máis concellos que non detectaron casos de coronavirus en dúas semanas, un total de 27 --o 40,3% das 67 localidades que a compoñen--, oito máis que hai unha semana.
Trátase de Barreiros, Becerreá, Begonte, Cervantes, O Corgo, Folgoso do Courel, A Fonsagrada, Friol, O Incio, Lourenzá, Meira, Mondoñedo, Negueira de Muñiz, As Nogais, Ourol, Pol, A Pobra do Brollón, A Pontenova, Portomarín, Quiroga, Ribas de Sil, Ribeira de Piquín, Riotorto, Samos, Trabada, O Valadouro e O Vicedo.
Na Coruña, tan só nove dos 93 concellos da provincia --o 9,7%-- non detectaron casos de coronavirus en dúas semanas. Así, están libres do patógeno A Capela, Cerdido, Corcubión, Mañón, Mesía, Santiso, Toques, Trazo e Cariño.
Mentres tanto, na provincia de Pontevedra os municipios sen novas infeccións por covid en 14 días pasaron de cinco a sete na última semana --o 11,5%-- e son Arbo, Campo Lameiro, Dozón, Fornelos de Montes, Mondariz-Balneario, Oia e Portas.
